Fullkomin sveppasúpa með timian

Ég held ég geti með sanni sagt að þessi sveppasúpa sé uppáhalds matur mannsins míns. Hvort sem hún er í forrétt eða aðalrétt þá get ég stólað á að hann klárar súpuna upp til agna! Lykillinn liggur í því að sveppirnir eru í stórum bitum og steiktir ásamt lauknum og hvítlauknum. Þannig draga þeir í sig dásamlegt bragð og verða eins og konfektmolar í súpunni. Annað sem ég er mjög hrifin af er hvað súpan er þunn. Sveppasúpur eiga það til að vera heldur þykkar fyrir minn smekk en ég vil hafa súpuna þunna og leyfa sveppabitunum að njóta sín.

Uppskriftin er sáraeinföld og hentar bæði hversdags eða við fínni tilefni. Til að klæða súpuna í spariföt mæli ég að bæta örlitlu hvítvíni út í en þá fæst hátíðlegra bragð. Sem meðlæti klikkar súrdeigsbrauð eða baguette og vegan smjör seint. Fyrir þau sem vilja baka brauð væri hins vegar tilvalið að útbúa focaccia!