Fullkomin uppskrift fyrir kaldari mánuði ársins. Þennan pottrétt er ótrúlega einfalt að útbúa og bragðið er dásamlegt. Ég var ekki alveg viss um hvort ég ætti að kalla réttinn Chili sin carne eða Chili con carne vegna þess að notast er við vegan hakk. Þannig er uppskriftin vissulega kjötlaus en bragðast þó eins og Chili con carne. Rétturinn samanstendur fyrst og fremst af vegan hakki frá Ellu Stínu, nýrnabaunum og tómötum í dós sem látið er malla við lágan hita. Eins þægilegt og það gerist!
Mér finnst gott að bera pottréttinn fram með hrísgrjónum eða quinoa, sýrðum rjóma, avókadói (eða guacamole), fersku lime, grænum chili ef vill og svo kóríander. Þannig verður til fullkomin blanda á milli hlýlegs bragðsins af pottréttnum og svo fersku meðlætinu.
Verði ykkur að góðu!
