Við fjölskyldan erum þessa dagana að flytja í íbúðina okkar og náum páskafríi á nýja staðnum. Ég ákvað að fagna flutningum og skírdegi með því að bjóða fjölskyldunni minni í mat. Eins og þau sem hafa flutt þekkja eflaust þá eru enn fæstir hlutir á sínum stað og lítið til í eldhúsinu svo mig langaði að hafa matinn sem allra einfaldastan en þó hátíðlegan og páskalegan – eins konar æfingu fyrir páskamatinn.
Ég bauð upp á nýju vegan steikina frá Ellu Stínu sem kom út fyrir páskana ásamt villisveppasósunni frá henni. Meðlætið samanstóð af hasselback kartöflusmælkjum, gulrótum og rósakáli. Ég skar grænmetið niður kvöldið áður svo það eina sem þurfti að gera í dag var að smella herlegheitunum inn í ofn.
Að neðan getið þið fengið lista og magn af því sem var í boði ásamt uppskrift að meðlætinu.
Vegan steikin og villisveppasósan fást í Hagkaup, Fjarðarkaup og Melabúðinni.
Færslan er unnin í samstarfi við Ellu Stínu
