Piparkökur eru svo gott sem nauðsynlegar þegar dregur að jólum. Það er fátt notalegra en að finna hlýlegan kryddilminn berast úr ofninum og bragða svo á volgum, stökkum smákökunum ásamt ískaldri (vegan)mjólk. Mamma þróaði þessa uppskrift fyrir stuttu síðan og tókst ekkert smá vel. Við mælum með að eiga eina rúllu af piparkökudeigi inni í ísskáp en þá er hægt að baka nokkrar piparkökur í einu og borða þær heitar úr ofninum.
Lykillinn í uppskriftinni er möndlusmjörið en það gefur deginu frábært bragð og hjálpar við að líma það saman (sem er oft erfitt með glútenlausan bakstur). Einnig er notað chia-egg til að líma deigið saman, en chia-egg er gert með því að blanda saman möluðum chia-fræjum og vökva – mjög einfalt.
Ég mæli að baka piparkökurnar mjög stutt (um 5 mín), en mér finnst þær bestar þegar þær eru volgar úr ofninum og mjúkar. Ef piparkökurnar eru þykkar og bakaðar lengi þá verða þær stökkar þegar þær kólna og getur verið erfitt að borða þær. Ef kökurnar eru þunnar er hins vegar mjög gott að hafa þær stökkar.
Myndir eftir Aron Gauta Sigurðarson